PATRIMONI HISTORIC i ARTISTIC

01 Feb, 2010


Era glèisa d'Arres se reformarà enguan

noticies de C A T A L U N Y A - — Publicat per josep.m @ 19:33

 

  • imatge

 


Er Ajuntament e eth Departament de Politica Territoriau accedissen ara peticion deth govèrn aranés

 

En matèria de reconstruccion e conservacion des glèises araneses, eth Conselh Generau d'Aran a arribat a un acòrd damb er Ajuntament d'Arres e era Generalitat tà començar de manèra immediata es trabalhs de recuperacion dera glèisa de Sant Joan


En un acòrd conjunt tà sajar de melhorar eth patrimòni religiós dera Val d'Aran, eth sindic, Francés Boya, hège a conéisher er acòrd prenut ena session ordinària deth Conselh de Terçon de Lairissa, que se hec en Arres.  Administracions e Bisbat d'Urgelh collaboraràn entà apariar er estat deficient dera bastissa. Es trabalhs, que consistiràn ena restauracion deth losat, era vòuta e es henerècles de Sant Joan d'Arres, son previsti entad aguest ostiu.


Es nombroses umitats, que maumenten tant er interior coma er exterior der edifici, an mercat eth besonh d'ua actuacion urgenta tà evitar méter en risc aguest valor patrimoniau e singular. Es òbres consistiràn en rehèr era cubèrta, cóser es parets e efectuar un drenatge tà trèir es umitats. Eth pressupòst totau assignat ei de 152 mil èuros.


Arres de Sus e Arres de Jos, que compartissen temple, poiràn tornar a recuperar un des valors istorics e culturaus des dus pòbles, representadi ena sua glèisa". 


 

 

http://www.lamalla.cat/infolocal/noticies/article?id=328996

 


Comentaris


Afegeix un comentari


Els comentaris d'aquest bloc estan moderats i son revisats pel seu propietari abans de ser publicats

 















Primer mes de l'any:



Powered by LifeType